小王牛肉麵 (已結業)

過江龍「小王牛肉麵」喺香港都已經好一段日子喇。雖然好幾次經過位於唔同地區既分店，但每次都唔知點解緣慳一面，就連呢度都係要等佢開左差唔多兩個月先撞啱有機會幫襯。原汁牛筋麵 ($53)︰廢話少講，黎得呢度唔駛講點都要試下牛肉麵啦！湯底方面份量十足，飲得出裏面放左唔少藥材去煲，不過可能有D「虛不受補」既朋友有機會唔係太buy果種味道。粗麵方面OK啦，軟硬程度啱啱好，一咬就斷之餘又唔會一夾即散，抵讚！牛筋方面炆都好腍，非常之易入口，非常authentic同我喺台灣食果個味道一模一樣，正！一口鹽酥雞 ($29)︰呢個就相對只係一般，勉強叫做可接受啦。份量方面都OK，有成十舊八舊到，但炸粉方面我嫌佢好似重手左少少，令到入口既時候有少少「漿住」既感覺。珍珠奶茶（少冰）($20)︰要讚既係少冰真係做到少冰，不過點講呢，呢D始終都係D大路野，唔會expect佢有乜野驚喜既地方囉，叫做不過不失既行貨咁啦！總括黎講，呢個價錢（$50幾蚊一碗麵）喺奧運站呢一區黎講叫做可接受啦，反正呢一區既居民只要覺得食物質素OK，而個pricing唔太過份既話都會勇於試新野既！