一盛極牛 (已結業)

出開尖沙咀行街，今晚好想食拉麵，搵一搵發現附近有一間！仲要有松露味嘅湯底，咁特別無理由唔去試。入到去有分bar枱同普通座位，感覺溫馨，日式味濃。我地每人叫左一碗白牛拉麵，白牛即係湯底加入白松露，我地都咗要濃味。此外仲有另一款極牛拉麵。等一陣碗麵終於到啦，呢碗係男友人嘅，紅噹噹嘅係和牛刺身，每碗得一塊，非常矜貴，不過勝在幾大塊，佢加多50蚊就有多一塊。塊牛肉好味到唔捨得食，入口即溶，非常滿足！根據餐廳介紹，和牛係來自熊本縣嘅稀有頂級品種-和黃，麵質我地揀普通，係真空雞卵麵，入口好彈牙，軟硬適中！我呢碗係火炙牛肉，因為燒過，所以好香口，油香四射。配菜之一嘅溏心蛋，蛋黃處於流質狀態，好正！而成碗麵嘅重點就係湯底，好少可有牛骨湯，飲落牛氣十足，口味濃郁細膩，配合白松露嘅香氣，意想不到可以咁夾！食完麵我地仲要飲清光先走。