一茶詞 (已結業)

見到個招牌名咁得意叫👉🏻一茶詞👈🏻😂，就吸引左去。門口擺放推介嘅飲品大圖片，包括係火焰焦糖珍珠鮮奶⚫️🥛 同埋特濃紫薯鮮奶，兩杯都要試吓。原來飲品店入面有個打卡位置，仲有幾張椅仔可以坐低慢慢飲、慢慢影相，喺櫃面落完單後，就去霸定位置先。首先來一杯火焰焦糖珍珠鮮奶，經過火槍燒同埋焦糖出嚟嘅效果好match，味道又唔會太甜，可以話好飲過好多間珍珠奶茶店。朋友都大讚特濃紫薯鮮奶紫薯味道濃郁，而且賣相呈現漸變紫色，影出嚟嘅效果好靚！如果影相影到冇電，店舖仲有一部租借電源機，唔使驚電話冇電。原來熱的飲品個杯好靚！望落去啲英文字係左右反轉的，原來係比客人自拍後英文字就會正常返的！好特別！