Kuru Kuru自家製手作意粉 (已結業)

Kuru Kuru裝修簡約，以淺木色調為主，感覺舒服。餐牌上選擇都幾多，套餐可以選Combo(沙律/餐湯+飲品) 或者Deluxe(沙律+餐湯+飲品)，我同朋友叫左個pizza 同意粉的Deluxe Set。沙律 - 沙律菜、車厘茄配胡麻醬，味道清新。蕃茄湯 – 酸甜度剛剛好，好開胃。明太子忌廉意粉 - 意粉彈牙唔太軟身，有嚼勁同帶有麵粉香。明太子的鹹鮮味配以香滑忌廉，味道唔錯。自家製pizza – pizza 餅底食落好煙韌有咬口，唔會油膩。冰茶 - 唔會好甜，清清地都唔錯。戚風蛋糕 - 口感鬆軟綿密，充滿濃濃的蛋香味，值得一試。