影片
更多
2022-07-10
452 瀏覽
去咗新都城探完朋友就去醫肚，發現有間餐廳門口放咗一D好得意嘅點心麵包就比佢哋吸引咗埋去睇，每一款都整到好別緻，於是就同另一半提議入去試吓。呢度點餐都係電子形式，好方便可以慢慢睇。而開茶方面呢度多咗一個選擇係玄米茶，第一次喺中式食肆有玄米茶，咖啡因含量較低啱哂晚市嘅時候飲，唔使驚夜晚飲完瞓唔著。點咗六餸一湯，包括- 金箔原隻鮮蝦餃 （$32）- 麻辣灌湯小籠包 （$49）- 松露賽螃蟹 （$98）- 雞絲粉皮 （$58）- 清酒冰鎮鮑魚 （$48@1）- 龍鬚芥蘭 （$88）- 蟲草花花膠燉雞 （$68）清酒冰鎮鮑魚點咗兩隻，雖然有跟埋刀叉，但我呢個懶人就直接咬，估唔到冰鎮鮑魚都可以咁淋，最最最重要嘅係超入味。開頭都覺得點兩隻差不多要成百蚊都有少少想取消唔點，但食過就真係覺得完全值呢個價錢。呢個真係必食！金箔原隻鮮蝦餃大大隻抵食，蝦仲要新鮮彈牙，好味。麻辣灌湯小籠包皮薄汁多，麻辣味適中。雞絲粉皮嘅麻醬好香，粉皮好滑。龍鬚芥蘭係我人生第一次食到咁樣整，一諗到要逐條逐條咁樣𠝹花，真係好花時間。而每條都好爽口，好味！松露賽螃蟹嘅蛋白好滑，份量仲要好多。蟲草花花膠燉雞湯料豐富，清亮不混濁而且味道
呢度點餐都係電子形式，好方便可以慢慢睇。
而開茶方面呢度多咗一個選擇係玄米茶，第一次喺中式食肆有玄米茶，咖啡因含量較低啱哂晚市嘅時候飲，唔使驚夜晚飲完瞓唔著。
點咗六餸一湯，包括
- 金箔原隻鮮蝦餃 （$32）
- 麻辣灌湯小籠包 （$49）
- 松露賽螃蟹 （$98）
- 雞絲粉皮 （$58）
- 清酒冰鎮鮑魚 （$48@1）
- 龍鬚芥蘭 （$88）
- 蟲草花花膠燉雞 （$68）
清酒冰鎮鮑魚點咗兩隻，雖然有跟埋刀叉，但我呢個懶人就直接咬，估唔到冰鎮鮑魚都可以咁淋，最最最重要嘅係超入味。開頭都覺得點兩隻差不多要成百蚊都有少少想取消唔點，但食過就真係覺得完全值呢個價錢。呢個真係必食！
金箔原隻鮮蝦餃大大隻抵食，蝦仲要新鮮彈牙，好味。
麻辣灌湯小籠包皮薄汁多，麻辣味適中。
雞絲粉皮嘅麻醬好香，粉皮好滑。
龍鬚芥蘭係我人生第一次食到咁樣整，一諗到要逐條逐條咁樣𠝹花，真係好花時間。而每條都好爽口，好味！
松露賽螃蟹嘅蛋白好滑，份量仲要好多。
蟲草花花膠燉雞湯料豐富，清亮不混濁而且味道鮮味。
張貼
