餐廳嘅裝修以懷舊港式大排檔為主題，擺咗好多7/80年代各種街坊生活嘅照片，好有80年代老香港嘅感覺。聽餐廳老闆話粥粉麵飯係淺水灣非常受歡迎，但由於租約已完結所以就搬咗過嚟西環繼續經營。
中式牛柳～牛柳每一塊都又厚又大件，食落去係有牛肉嗰種煙靭嘅質感而唔係啖啖鬆肉粉果種。個精粹絕對係個酸酸甜甜嘅汁，非常惹味同開胃🤤
蒜蓉粉絲蒸龍躉～龍躉嘅份量非常慷慨！有差唔多十大塊，每一件都係厚切嘅，肉質咬落爽口彈牙魚肉新鮮。配埋大量蒜蓉同埋粉絲索哂魚汁嘅精華👍🏻
滑豆腐炒雜菌～豆腐炸香咗表面之後再用汁去兜，口感非常嫩滑！所有雜菌都好香健康又美味😊配埋兩杯熱飲，檸檬柚子蜜同埋桂圓紅棗茶，解渴又滋潤🥰下次要帶埋屋企人嚟試埋佢嘅點心！呢度平日星期一至五中午有lunch set同埋下午茶☕️，西環嘅上班族可以同埋同事嚟試吓！
