影片
更多
2020-10-02
2038 瀏覽
黎食左幾次，只得一次切腩仲未賣晒，好食到驚為天人，仲要唔貴（＄57切腩撈粗）。如果大家黎到有切腩，可謂必必必食！豬手夠淋夠入未，係無咩肉食，主要食個皮同損骨。南乳味岩岩好，唔會過濃。墨丸（圖左) 超有墨魚香，中間仲有墨魚粒，爽滑彈牙；蔥花魚蛋（圖右）超有魚味，配埋個湯厚切既蔥花粒，真係好有食材鮮味，互相配合，無諗過平日成日食既野，呢間店既味道真係原味道，話食到感動都唔係誇張！墨丸同蔥花魚蛋必食，係會掛住既味道！撈粗食左三次，次次個味都岩岩好，甜甜地既醬油味，大人細佬都鐘意。汁料剛好夠乾身，唔會浸住個麵。唯一係一次食到過多簡水味，有苦味後勁差左少少。炸魚蛋同切片炸魚蛋，都非常有魚味，但本人就偏向白身魚蛋多d，因為夠滑，夾埋魚味一流。有次食唔到切腩，唯有食五香牛腩，唔係話唔好食，但同切腩相比差九條街。五香牛腩夠入味，但就好普通既粉麵檔都會食到。魚唇，份量好大，約五六大塊，兩個人叫碗粉再加份魚唇，會飽到好辛苦，因為魚唇好撐肚。建議有番三個人先好叫。講番個魚唇，我比較鐘意食膠質野，覺得魚唇未煮夠，硬到好似軟骨咁，如果煮到再淋 d 一定會好正。啖湯記得飲，有魚唇既鮮甜嫁！紅豆冰，d 紅豆用糖水煮
豬手夠淋夠入未，係無咩肉食，主要食個皮同損骨。南乳味岩岩好，唔會過濃。
墨丸（圖左) 超有墨魚香，中間仲有墨魚粒，爽滑彈牙；蔥花魚蛋（圖右）超有魚味，配埋個湯厚切既蔥花粒，真係好有食材鮮味，互相配合，無諗過平日成日食既野，呢間店既味道真係原味道，話食到感動都唔係誇張！墨丸同蔥花魚蛋必食，係會掛住既味道！
撈粗食左三次，次次個味都岩岩好，甜甜地既醬油味，大人細佬都鐘意。汁料剛好夠乾身，唔會浸住個麵。唯一係一次食到過多簡水味，有苦味後勁差左少少。
炸魚蛋同切片炸魚蛋，都非常有魚味，但本人就偏向白身魚蛋多d，因為夠滑，夾埋魚味一流。
有次食唔到切腩，唯有食五香牛腩，唔係話唔好食，但同切腩相比差九條街。五香牛腩夠入味，但就好普通既粉麵檔都會食到。
魚唇，份量好大，約五六大塊，兩個人叫碗粉再加份魚唇，會飽到好辛苦，因為魚唇好撐肚。建議有番三個人先好叫。講番個魚唇，我比較鐘意食膠質野，覺得魚唇未煮夠，硬到好似軟骨咁，如果煮到再淋 d 一定會好正。啖湯記得飲，有魚唇既鮮甜嫁！
紅豆冰，d 紅豆用糖水煮到淋晒起晒沙，又大粒又好味！
好喇，最後講下震店之寶，切腩出場
王林記既切腩，超超超重牛味，食完個口既牛味會係個口到唔走。肉質有纖維得黎唔起渣。部位略帶筋膜，非常非常好食！
店員服務亦好，好多街坊黎食
張貼
