更多
2022-07-25
443 瀏覽
今日去染頭髮，整完就已經係下午茶時間。咁我就同老公講，不如今日唔食午飯，直接去hightea。之前聽朋友講過話尖沙咀有間餐廳唔錯，係打卡之選，所以就同老公去睇睇。呢間餐廳分室外同室內，室內環境就比較classic，紅磚牆木枱西式梳化，走工業風。室外真係好靚，花花牆，色彩鮮艷，陽光又好，打卡影相一流。但今日太熱喇，我都係鐘意坐返涼浸浸嘅室內。呢個tea time menu都係用左粉紅色做底色，真係夠晒少女心。黎到見到個三層鳥籠有好多嘢食，好豐富，真係勁開心。最頂層係甜點，中層係鹹點，仲有個擺盤係乾冰，擺盤靚，效果唔錯，底果層係炸物。最佳食法由下至上，最後就係甜品。底層馬蘇里拉絲芝士棒：一口咬落去勁香芝士味，芝士迷啱晒。芝士焗青口：仲係熱，大隻喎，又係好香焗嘅芝士味。炸魷魚鬚及雞塊：好香口，夠味，點埋蛋黃醬好味D。沙律菜：新鮮乾淨，食左咁多炸嘢，食返沙律好似無咁熱氣。中層鯷魚黑魚籽煙三文魚他他：黑魚籽咬落去卜卜聲，鯷魚煙三文魚加埋菜混埋一齊做他他，味道幾好。血腥瑪莉雞尾酒蝦：蝦係中型size，配呢個醬汁幾夾，酸酸地。巴馬火腿芝士酥餅：巴馬火腿鹹鹹香香，底層芝士味濃，酥餅入口脆，呢個配搭都幾
呢間餐廳分室外同室內，室內環境就比較classic，紅磚牆木枱西式梳化，走工業風。室外真係好靚，花花牆，色彩鮮艷，陽光又好，打卡影相一流。但今日太熱喇，我都係鐘意坐返涼浸浸嘅室內。
呢個tea time menu都係用左粉紅色做底色，真係夠晒少女心。
黎到見到個三層鳥籠有好多嘢食，好豐富，真係勁開心。最頂層係甜點，中層係鹹點，仲有個擺盤係乾冰，擺盤靚，效果唔錯，底果層係炸物。最佳食法由下至上，最後就係甜品。
底層馬蘇里拉絲芝士棒：一口咬落去勁香芝士味，芝士迷啱晒。
芝士焗青口：仲係熱，大隻喎，又係好香焗嘅芝士味。
炸魷魚鬚及雞塊：好香口，夠味，點埋蛋黃醬好味D。
沙律菜：新鮮乾淨，食左咁多炸嘢，食返沙律好似無咁熱氣。
中層鯷魚黑魚籽煙三文魚他他：黑魚籽咬落去卜卜聲，鯷魚煙三文魚加埋菜混埋一齊做他他，味道幾好。
血腥瑪莉雞尾酒蝦：蝦係中型size，配呢個醬汁幾夾，酸酸地。
巴馬火腿芝士酥餅：巴馬火腿鹹鹹香香，底層芝士味濃，酥餅入口脆，呢個配搭都幾好。
窩夫：正常味道。
頂層馬卡龍：檸檬味，唔太甜，夠清新。
檸檬芝士蛋糕：好香檸檬味，唔太甜又清新，好味。
白桃慕士蛋糕：慕士入口軟滑，中間有白桃，甜甜地。
布朗尼蛋糕：朱古力味濃，又唔算太甜。
法國燉蛋：唔太甜，配埋士多啤梨同藍莓酸酸地，中和返味覺。
醬汁：餐牌上有三個醬汁，其中一個係蛋黃醬。另外兩個醬汁變左兩個柚子雪榚。比起醬汁，我更加鐘意雪榚。
飲品Mocha：夠冰凍，老公話朱古力味夠濃又夠甜，加埋cream溶左就夠滑，好飲。
Cappuccino：淡淡咖啡味，奶多泡泡多，少少甜，又係夠凍，咁熱天氣飲，啱晒。
張貼
