心粥館 (已結業)

無論天氣多熱，偶爾還是心郁郁想食粥。路過心粥館，記得上次食豬軟骨麵好好味道，冷氣又夠，且仍未過早餐時間，於是決定點碗粥食當bunch及滿足心願，這是我首次在這店食粥。艇仔粥本跟豉油皇炒麵，我加$4轉左油炸鬼，聽侍應跟後到客人説是即點即炸的，因已過早餐時間不能供應給他們，我咪係last order,期待之心又增加了點。等待中，有水點滴在手上，細看是後天花冷氣滴下的，頻率中度密，走為上着速挪過一個位，並在枱上放紙巾接水。粥到，與餐牌上相片有段距離(接受的)，用匙羹舀舀D料，一看顛覆我對艇仔粥的認知。無碎牛、無生魚片、無海蜇，所有料一眼睇哂。最搶眼是豬皮，跟住幾粒花生，四條纖瘦魷魚(全數，仲係纖瘦代言人版)魚條片出的魚片本以為只有相片羹上的瘦肉。食完全碗，好彩仲發覺到幾粒肉絲團，真稀罕，尤幸無乜"師傅"味。 粥底唔夠綿及米香不足。所謂即叫即炸的油炸鬼上枱，以等的時間計可信，但熱度計就成疑，脆還是脆的。首啖後，即取餐紙墊在底，食完三分二，D油已將餐紙渗透了，是通通透透的透。脆不是即炸的鬆脆，而似翻炸的硬脆，嘴都快弄損了，放棄唔食。 下次來食粉、麵算了，粥，no , 油炸鬼no way。