影片
更多
2023-07-21
26 瀏覽
居酒屋一向都係同朋友談天說地既好地方，今日就黎到位於太子既「禮」。8點一黎到已經坐無虛席，熱鬧非常，多人光顧的餐廳一定有返咁上下水準。建議大家可以先book位，咁就唔洗等😆醒目既我，當然一早訂左座。依到點餐用QR Code，界面一目了然，好清楚分唔同種類，好容易就點到想食既野。燒鱈魚乾$48 -燒過既鱈魚乾，食落有微微既脆，帶有些少鮮甜味，愈食愈香口，點一點沙律醬仲更加好味😋火灸明太子$78- 明太子味道濃郁，鹹鹹地，又有微微既辣滲出黎，火灸燒過後多左一份香，食落口感綿密。明太子下面放左片青瓜，令到濃郁既明太子食落多左份清新板煎和牛粒 $128 - 賣相非常精美，煎得好香口，一入口油脂既香已充斥住成個口腔，而且肉汁豐富，好有牛味，仲附上沙律🥗怕膩既朋友都唔洗擔心唐揚炸雞$78 - 炸雞🍗一上台熱辣辣，每一件都大大舊，食落啖啖肉，外表酥脆內裡肉嫰多汁，好滿足🤤富士蘋果🍎煙肉卷$48 - 富士蘋果好香甜，同豬肉卷捲埋一起食，既有果香又有肉香，依個組合都幾清新✨脆皮白鱔 $88 - 膳如其名，外皮烤得真係好香脆，魚質彈牙鮮嫩，油香四溢，滴下檸檬汁，味道即刻再提升左。雞腎$32 - 雞腎煙韌有
8點一黎到已經坐無虛席，熱鬧非常，多人光顧的餐廳一定有返咁上下水準。建議大家可以先book位，咁就唔洗等😆醒目既我，當然一早訂左座。
依到點餐用QR Code，界面一目了然，好清楚分唔同種類，好容易就點到想食既野。
燒鱈魚乾$48 -燒過既鱈魚乾，食落有微微既脆，帶有些少鮮甜味，愈食愈香口，點一點沙律醬仲更加好味😋
火灸明太子$78- 明太子味道濃郁，鹹鹹地，又有微微既辣滲出黎，火灸燒過後多左一份香，食落口感綿密。明太子下面放左片青瓜，令到濃郁既明太子食落多左份清新
板煎和牛粒 $128 - 賣相非常精美，煎得好香口，一入口油脂既香已充斥住成個口腔，而且肉汁豐富，好有牛味，仲附上沙律🥗怕膩既朋友都唔洗擔心
唐揚炸雞$78 - 炸雞🍗一上台熱辣辣，每一件都大大舊，食落啖啖肉，外表酥脆內裡肉嫰多汁，好滿足🤤
富士蘋果🍎煙肉卷$48 - 富士蘋果好香甜，同豬肉卷捲埋一起食，既有果香又有肉香，依個組合都幾清新✨
脆皮白鱔 $88 - 膳如其名，外皮烤得真係好香脆，魚質彈牙鮮嫩，油香四溢，滴下檸檬汁，味道即刻再提升左。
雞腎$32 - 雞腎煙韌有嚼勁，一放入口即刻食到有濃濃既椒鹽香，好惹味
雞軟骨 $38 - 外層又脆又香，雞肉好嫰滑，軟骨又好有咬口，食落非常有層次
甜燒菠蘿 🍍$48 - 食到咁上下有水果清新下唔錯，依個菠蘿好特別，上面放左木魚碎，彷彿在菠蘿上起舞。菠蘿香甜多汁，微燒過後增添左份焦香。
北海道南瓜 $28 - 南瓜質地粉糯綿滑，食落香甜，而且有陣芝士香，都幾特別
燒明太子皇帝虎蝦 $88 - 大大隻蝦一睇就知唔惹小，蝦肉肉厚有彈性，食到鮮甜味，加埋明太子咸咸香香既味道，強烈既滋味挑動住味蕾🤤
「禮」雖然店鋪細細，但正正因為咁，真係好有居酒屋既風味，大家把酒談天，品嚐美食，熱鬧非凡，將平日返工既郁悶一掃而空，食完唔單止個胃好滿足，心靈同樣也是。亦見到店員同客人之間熟絡，態度好似同朋友相處咁，相信果d都係回頭客，一間好既店鋪能留得住客人也不令人意外，下次都想試下同一班朋友再黎熱鬧下！
張貼
