喜惶點心專門店

心血來潮想飲茶，就搵左依間「喜惶點心專門店」。2點去到以為啲人都食完lunch應該無咁多人，點知去到都見到有唔少人排隊，最後2個人排左大約半個鐘先入得。入到去啲位都幾逼，但算乾淨既。係等位既時候已經揀定左食咩，所以啲野食都好快黎到。
見到例湯$6一碗咁抵，所以就叫左黎試下。果日既例湯係青紅蘿蔔豬骨湯，湯黎到睇落好足料，飲落的確無味精味，但略嫌有啲淡。

1

青紅蘿蔔豬骨湯

$6

依間點心專門店更加標榜係牛肉世家，所以點都要叫啲牛肉點心食，最後叫左「太陽蛋牛肉飯」同「乾蒸牛肉燒賣」。「太陽蛋牛肉飯」我地叫左飯焦底，離遠拎緊黎既時候已經聞到一陣飯焦味，過左一陣仲有一大陣燶味，食到最低啲飯已經燶曬，但牛肉係好食既。「乾蒸牛肉燒賣」既口感都唔錯，煙煙韌韌，牛味同芫荽味都幾香。

太陽蛋牛肉飯（飯焦底）

$36

乾蒸牛肉燒賣

$29

另外不得不提既係「酥皮焗叉燒包」同「海苔煎蘿蔔糕」，「酥皮焗叉燒包」咬落去好鬆軟，個餡好多汁好多叉燒，食完好想叫多碟。第一次見有「海苔煎蘿蔔糕」好似幾特別咁就叫左，意想唔到紫菜同蘿蔔糕係咁夾，但係蘿蔔糕就有啲鬆散，一夾就散。

1

酥皮焗叉燒包

$26

海苔香煎蘿蔔糕

$21

整體黎講，點心黎講係唔錯，想食點心果時會再去。2個人食到勁飽都係$200有找😋

晶瑩鮮蝦餃

$32

原隻鮮蝦滑腸粉

$32

個人評分（滿分為5）
味道：😉😉😉😉
環境：😉😉😉
員工友善度：😉😉😉
CP值：😉😉😉😉

1