十三少 (已結業)

有冇人同我一樣 成日心思思想食辣嘢😙尤其是見到人哋食川菜 個心就會特別癢 呢晚就嚟咗十三少止痕😌▪️涼拌土豆絲食辣嘢之前整個涼拌小食是常識吧🥔小食來講份量一啲都唔細 土豆絲好爽口 滲出淡淡麻辣味 越食越開胃▫️酸菜魚主角嚟啦🤩可以揀唔同辣度 我就揀咗小辣 一上枱即刻嘩一聲 好大盆啊😱起碼有三人份量 魚肉好滑而且冇骨 啖啖肉🐟仲有好多我至愛嘅酸菜同萵筍/蘿蔔 酸酸辣辣 識食一定配白飯 一流👍🏻▪️麻婆豆腐估唔到普通嘅一個小菜都咁有驚喜 望落已經覺得好惹味 同坊間嘅唔同 就係辣味更突出 仲要係帶少少麻嘅辣🌶豆腐亦都夠嫩滑▫️紅糖糍粑食川菜必點嘅甜品💕即叫即整 熱辣辣 口感好軟糯🤤可以因應自己嘅喜好去點上紅糖 我呢個嗜甜人士 當然係全方位包圍啦🤣今次去嘅樂富分店 裝修都幾寬敞 坐得夠舒服❤️而且店員都好有禮貌 好主動 讚!