The Captain’s House (已結業)

與好友一起慶生，當然要選一間啱佢的好地方，海鮮佢至愛，海鮮袋佢未食過，當然帶佢試吓啦。我們決定來一次海鮮大餐，點了香蒜辣椒欖油炒蜆作前菜，份量不少，仲辣椒帶出醒胃，是令人滿意的前菜。海鮮袋係必然選擇，人少少要了ComboA 要扇貝（有四大塊大），翡翠螺（鮮甜肉質肥厚），魷魚（非一圈圈，係數大塊，可以好似魷魚扒一樣）配料仲有美國新薯，粟米同腸仔，果然係開心袋。朋友習慣要有飯，就選了手拆蟹鉗蟹膏意大利燴，每一口也食到新鮮蟹肉，令人喜愛。最後當然要有Tiramisu 作為生日蛋糕，有濃郁的咖啡香，芝士唔會好膩，亦清甜超吸引，仲好大塊，真開心。我有少少咳，唔飲凍嘢，俾朋友生日飲有靚靚飲品，佢最愛green colour 呢嗰啱佢，為生日飯劃上圓滿句號。