ChocoNext (已搬遷) 新店位置

成個商場回復返哂人來人往嘅景況啦！見商場有好多店都唔同左，因為想買朱古力襯返妹妹買嘅手信，最後俾呢間主打香港手工朱古力嘅舖頭吸引左。見catalogue 介紹呢個牌子有句slogan 係打造「10種味道x10種心情」的招牌系列 “Emotional Collection”禮盒，甜酸苦辣，五味雜陳。有試食就最好，精選歐洲原材料，加入唔同材料製成。試左幾種，都係茶味同水果類朱古力岩我～火龍果脆片，係原片火龍果製成，有比較濃嘅朱古力喺面。咬落有火龍果嘅口感同味道，又有香濃朱古力味，好岩treat day食。呢個Chinese Tea Collection，有大紅袍、鐵觀音兩種味道。非常幼滑，入口首先係感受到朱古力味，食哂口腔入面先有回甘嘅茶味，好特別。