食之劇場餐廳 (已結業)

以前讀書喺附近時間唔時都會去西貢食吓嘢散吓步尤其呢種天氣走堂都值個天一舊雲都冇微涼又好太陽喺碼頭淨係聽到海浪聲白沙灣開咗間酒店對住藍天白雲靚海景入面有間叫Wa-Theater嘅日本餐廳今日餐廳嘅光線來源主要來自室外充沛嘅陽光環境非常柔和恬靜由室外到室內都好自然想令你除低耳機享受當下吧檯可以望到潔淨尤如示範單位嘅廚房餐廳提供嘅水係白神山地之水野菜沙律南瓜係京都南瓜有種好原本嘅南瓜味道令人諗起京都菜的確係以味淡見稱因為要享受食物原味用唻做前菜就非常適合味噌湯比起平時喺其他餐廳飲到嘅多啲溫和同甘嘅感覺鰻魚飯食嘅時候覺得非常軟熟明明望住師傅喺爐上面烤咗好耐明明有燒烤香味點解肉質嘅水份保持得咁好就好似食緊一條熱嘅魚生咁而且飯粒為配合軟熟嘅魚身質地非常爽口後來師傅出唻細心解說原來鰻魚要先蒸熟再燒而米就選用北海道嘅七星米令整體口感分明師傅詳細嘅解說令人佩服煮一餐飯背後嘅計算 獲益良多最後係一杯咖啡雪糕呢一餐係一餐你會想專心食唔玩手機 唔聽歌盡情享受當下慢落唻嘅時間嘅一餐