桻之燒 (已結業)

東大街一向都多餐廳選擇，今晚上網見到這間餐廳勁多好評，所以入去試一試！首先我們食咗個三點漬物盛，包括有酒漬雞肝、牛蒡漬、秋葵。特別要讚嘅係秋葵冷盤，秋葵加上木魚絲，仲有酸酸甜甜的醬汁，真係令人好開胃！松葉蟹多士都好有驚喜！濃厚蟹味的蟹膏再配香脆多士，真係好好味！另外仲叫咗幾串串燒，包括有香燒自家最香雞翼、鹽燒鮮雞皮、燒蔥油卷、焦糖苦瓜。雞翼醃製得好好味，好有酒香！而今次係我第一次食燒雞皮，因為平時都好少見，估唔到今晚可以品嚐！雞皮燒得好香脆！未試過一定要試吓！另外蔥油卷都好精緻，皮薄餡多！而苦瓜上面有薄薄一片焦糖，冇唸過苦瓜原來可以係咁甘甜！仲有不得不讚嘅係秘製手打先墨魚棒，墨魚滑爽口彈牙，而入面有好重嘅香茅味道，真係食到舔舔脷！跟住仲食左個燒汁鮮蠔燒飯團，飯團都好特別，原來係自己包黎食！隻蠔唔單止大隻而且仲好新鮮！再加埋佢祕製嘅醬汁，令人好想再追加！然後我哋仲食咗個芝士焗雙花！芝士好香，味道好濃，而且芝士仲可以拉絲！😍最後仲食咗個茶漬飯！飯中的魚乾再配搭茶香，十分適合愛茶之人！總括來講，這間餐廳的食物非常有心思，而且服務一流，如果我和朋友不是要駕駛，一定會點燒酒的啊！