鮨樂 (MOSTown新港城中心(4期)) (已結業)

今日入左馬鞍山食日本野，新港城～鮨樂～。餐廳設計簡約，日系feel ，加上店員親切，感覺好好。餐廳食材係日本直送，特別係吞拿魚係由日本豐州市場專門從事吞拿魚批發的商店每日直送，一定新鮮。先點左馬鞍山分店限定嘅是日推介北海道岩蠔，脹卜卜，好鮮甜。呢度既壽司係即叫即製既手握壽司，飯團加上赤醋，香味更濃郁，口感更溫和。我哋叫咗兩個盛合，原條星鰻壽司盛合同梅壽司盛合。款款都新鮮有特色，長過我隻手掌既星鰻超吸引，未食都流哂口水。梅壽司盛合，12款不同，上枱嗰下好有氣勢呀。黎多個炙燒三文魚芝士卷，裏面有蟹籽，沙律菜，口感超豐富。呢度啲燒物都好出色，叫左幾款，幾款都好好食。自家製免治雞肉串 ，肉質好細滑，中間有啲好咬口既軟骨。鹽燒牛舌，厚切但絕對唔會韌，好腍有鹽燒香味。鹽燒白鱔串，我至愛，白鱔好厚肉，脆皮魚皮，魚油滿滿。燒鵝肝鍋巴，鵝肝配鍋巴都係第一次食，好夾，鵝肝面煎得香脆，肉裏juicy 香噴噴。