Fiat Caffé (已結業)

美麗華吾叫成日會去的地方，但因為地庫有間三聯書店，有時都會行下書店。有天，見到一間新開的CAFE，門口竟然有一架大車，入面好多關於車的模 型。所以找了一個星期六下午去試試。星期六大約2點鐘的下午到，不用等位就可以入去。但因為我同女性朋友胃口不大，叫了2杯飲品，小食和一個甜品。首先送左2條面包條：味道偏咸，夠脆口。漢堡包：失望，包太脆，完全不似一個包。漢堡煮得太耐，好硬，肉味不太多。薯條凍左，蕃茄醬太酸。朋友食左1／4已經吾想再食。心太軟：好味，夠熱之餘流出黎的流心都有少少熱同多，朱古力味夠。雪糕不是求其，係有雲里拿籽係度。飲品：芒果同士多啤朵味濃，好杰身，香口，幸好不是大杯，飲完剛剛好。如果再黎應該只叫飲品同甜品會更好，價錢還可以。吾太嘈，傾計都舒服。