1523 釗級廚房 (已結業)

今日黎試德國咸豬手，應該係依間餐廳既主打菜之一。價錢$168，都可接受，唔會太貴，但份量多小小就好啦哈哈首先講下d配菜先。翠肉瓜有d過油，食完個碟板仲油滴滴，薯條ok，可以再熱返小小。同埋唔知係咪我地掛住傾計放耐左，好似唔係好夠脆。至於隻豬手，係正既，唔會太韌，入面d肉都係軟身，唔乾，而且個味道幾好，唔會淡茂茂，就咁食唔點醬都好食，點左又有另一番風味。不過問我下會唔會再點依個豬手，我諗又未必，因為感覺上依個價錢可以食到更正既野下次黎試其他！