帝樂 - 德國餐廳 (已結業)

曾到德國食過正宗的德國菜後，一直返香港都念念不忘！係香港真係唔易揾到真•德國味。今次黎到一位德國朋友介紹，位置位於尖東站附近的德國餐廳！餐廳大部分用了德國式的長枱長櫈，再配埋天花板的彩帶，就已經想貨到一大班德國人歡天喜地飲啤酒。坐低先叫杯飲品，邊飲邊等朋友。叫左一杯凍咖啡及一杯Mojito。咖啡好有咖啡香，Mojito非常清新，係夏日必選酒精飲品！等齊人先黎個沙律先！蔬菜好Fresh好脆口，加上脆卜卜的麵包粒及自己後落的沙律醬或醋汁，好開胃！食德國菜，一定要食腸仔拼盤！呢個係「迷你德國腸拼盤伴酸菜及燒薯」，呢個拼盤話細唔細，話大唔大，有三款香腸、每款兩條，再加d開胃酸菜同脆面的薯仔，好滿足！戲肉到了！係脆皮燒豬手！職員拎黎到温馨一問要幫我地切開，二問不説就YES了 (自己切真係好麻煩)。豬手的皮非常脆，完全無un的感覺！肉質非常嫩口，再配上酸菜同芥辣，真係非常好味！切開後食完咸點就當然要食甜啦！德國菜必食的一定係黑森林蛋糕！蛋糕非常大件，記住要share黎食。蛋糕每一層都有不同的味道同口感，有超濃朱古力Moose，有Cream，有超軟熟朱古力蛋糕...... 打緊Blog的我都流緊口水