微酵烘焙 (世貿中心) (已結業)

台灣人氣麵包茶飲店登陸香港, 今次造訪嘅就係銅鑼灣分店。呢度主打台飲與天然手工麵包集於一身嘅麵包店。大熱主打天然酵母貴腐3色髒髒包同埋爆漿珍奶軟歐包。台飲有奶茶、拿鐵、果茶、奶蓋系列等。爆漿珍奶軟歐$15軟歐質地鬆軟，入面係滿滿黑糖珍珠同埋紅茶奶香吉士。雷神朱古力 $22有可可嘅香，核桃口感。食落唔會好甜，天然健康。少女心之戀 $22包包超大份量，啖啖都夾住紅嗓子、士多啤梨果乾、酸酸甜甜，健康的味道。3款髒髒包顏色鮮明吸引，粉紅色草莓朱古力就最浮誇、唔嗜甜嘅朋友就可以試抹茶香而回甘，但個人最愛都係朱古力原味！羞羞の胖 （粉紅）$35外層士多啤梨脆皮舖滿士多啤梨粉，原味麥香軟包有士多啤梨果醬同吉士餡。冏冏の胖 （綠茶）$35白朱古力脆皮舖上日式抹茶粉，內裏有紅豆吉士餡。髒髒の胖 $35黑松露朱古力外層加上忌廉芝士，朱古力味好濃郁但唔會太膩。珍珠鮮奶茶 $36珍奶包同珍奶茶全店均用白玉珍珠。用台灣斯里蘭卡嘅紅茶配日本明治牛奶調配，奶茶上嘅鮮忌廉好輕身潤滑。爆爆水果茶 $35 橙汁青檸果味較重，茶底唔算太濃。不過水果真爆滿杯。