影片
更多
2021-12-28
227 瀏覽
節日過後嘅早上，嚟到呢一間復古工業風嘅dozy cafe，渡過悠閒嘅一個早上☀️之前試過下晝經過，見到水泥裝修好特別，枱與枱之間距離唔近，不過下晝就坐滿晒人，所以專登早上過嚟，人唔算多好清靜，真係明智之舉~呢度提供嘅食物以輕食同埋一啲甜品為主，飲品款式都幾多。咸蛋黃醬慢煮豬頸肉配自家醃椰菜bagel$88本身係配搭土耳其卷嘅，但係當日改為配芝麻貝果🥯貝果口感厚實，滿佈芝麻味有啲香脆嘅感覺，鹹蛋黃醬香濃，豬頸肉爽脆，椰菜仲要甜甜地嘅，口味好豐富！薯片脆雞三文治配是拉差辣醬$88賣相一流，仲要有食用花+紅石榴做裝飾！拉差辣醬配搭脆雞香辣惹味，雞肉採用嘅部份比較瘦，感覺健康。整個三文治都幾大件，雞件有好多嚿，不過最好攞紙巾包住食，如果唔係好容易跌晒。抹茶卷蛋$45抹茶卷蛋專登轉上咗聖誕造型，好有節日氣氛！蛋糕口感濕潤，抹茶cream都好香滑，唔錯～Matcha Latte$45抹茶味香濃，甜度適中，而且拉花係雪人，特別配合聖誕節🤶Mocha$45朱古力味配合咖啡，拉花維持好耐都唔會散開，真係唔錯啊！總結來講，氣氛休閒而且真係寵物友善，下次會再嚟啊～
之前試過下晝經過，見到水泥裝修好特別，枱與枱之間距離唔近，不過下晝就坐滿晒人，所以專登早上過嚟，人唔算多好清靜，真係明智之舉~
呢度提供嘅食物以輕食同埋一啲甜品為主，飲品款式都幾多。
咸蛋黃醬慢煮豬頸肉配自家醃椰菜bagel$88
本身係配搭土耳其卷嘅，但係當日改為配芝麻貝果🥯貝果口感厚實，滿佈芝麻味有啲香脆嘅感覺，鹹蛋黃醬香濃，豬頸肉爽脆，椰菜仲要甜甜地嘅，口味好豐富！
薯片脆雞三文治配是拉差辣醬$88
賣相一流，仲要有食用花+紅石榴做裝飾！拉差辣醬配搭脆雞香辣惹味，雞肉採用嘅部份比較瘦，感覺健康。整個三文治都幾大件，雞件有好多嚿，不過最好攞紙巾包住食，如果唔係好容易跌晒。
抹茶卷蛋$45
抹茶卷蛋專登轉上咗聖誕造型，好有節日氣氛！蛋糕口感濕潤，抹茶cream都好香滑，唔錯～
Matcha Latte$45
抹茶味香濃，甜度適中，而且拉花係雪人，特別配合聖誕節🤶
Mocha$45
朱古力味配合咖啡，拉花維持好耐都唔會散開，真係唔錯啊！
總結來講，氣氛休閒而且真係寵物友善，下次會再嚟啊～
張貼
