悉尼樂園 (已結業)

同攝影朋友飯聚, 搵咗間值得打卡嘅餐廳邊食邊影下相。就係銅鑼灣一間樓上復古Cafe, 環境氣氛都幾吸引。餐廳內嘅懷舊擺設、牆上很有玩味嘅米老鼠, 再加上暗淡嘅燈光, 整體營造出充滿復古氣氛… Lunch 跟 dinner 分別有唔同menu, lunch set 包一杯野飲。【日式咖喱吉列豬扒飯】HK$70吉列豬扒炸皮香脆, 雖然唔太厚, 內裡肉質幾鬆軟, 唔係太乾太硬果種, 配上甜甜咖喱, 撈埋整個飯食, 啖啖都食到咖喱嘅香甜。【日式蒲燒鰻魚飯】HK$78鰻魚比較薄身, 表面掃上了鰻魚燒汁, 帶些少蛋汁嘅蛋覆蓋了整個飯, 鰻魚燒汁嘅鹹甜配上滑蛋,  再加上了木魚絲, 味道不錯。飲品方面 +$8 升級揀咗菠蘿梳打、芒果梳打。兩者都為餐廳沖調, 果味突出, 而且夠汽, 仲食到些少果肉。