御犇麵館 (金禧花園)

營業中

休息中

工作關係，猴子今日跑到去大圍，喺大圍見到一家新開嘅麵店「御記御犇麵館」，猴子試新嘢係唔會執輸，於是即刻走入去幫襯，返到屋企隨即開電腦寫食評。不過奇就奇在，明明間舖頭係新開張，點解喺Openrice裡面居然顯示早喺今年五月就已經有人寫食評？！睇真啲，原來係猴子搞錯咗，不過都唔怪得猴子，皆因同樣喺大圍、相隔唔夠幾個街口，居然有兩間御記御犇麵館，而且裝修仲要差唔多。猴子幫襯嗰間係新開嘅，喺Openrice仲未有資料，於是猴子義不容辭click入「更新餐廳資料」幫佢喺Openrice開張。猴子其實唔係好肚餓，所以只係叫咗碗五香牛筋麵，實情今次可以話係為光顧而光顧，見係新舖先咁畀面。講番個麵，猴子鍾意佢冇鹼水味，麵條亦夠爽，至於牛筋就偏向清淡，個人認為可以落多少少調味。至於衛生方面，話晒係新開張，樣樣嘢都係新淨兼乾淨，食起上嚟都安心啲。