御滿屋日本料理

營業中

休息中

今日因為工作關係出左旺角做野，到食晏時間個同事話不如食個放題先返公司，之後就醒起早排去完荃灣滿屋，不如今次試下旺角果間。未到12點已經有好多人等緊開門，地方無荃灣果間咁大間，但啲座位好闊落，飲品櫃都係品種繁多，而侍應既服務態度同埋上菜速度都係好好同好快，果然同一個集團係無偏差，刺身好新鮮，三文魚又係食唔停。同事好中意食「海膽手卷」，佢話海膽好新鮮，同埋有種入口即溶既感覺。我超中意食榴連，今次旺角分店係「貓山王榴連炸彈」，食到我停唔到口。「和風牛柳粒」好正，啲肉質好林，個汁又好好味。值得一提既係「御品鮑汁燴花膠」，果件花膠大到成隻碟咁大，值回票價。「忌廉芝士軟殻蟹卷」好特別，忌廉加芝士，而軟殻蟹好香脆。總括黎講，刺身係新鮮，炸物同串燒都唔錯，都食左幾輪，我同同事都食得好飽，睇黎今晚晚餐都可以唔洗食🤣👍🏻