御品·千之味 (深水埗) (已結業)

下午喺深水埗有啲野做，不如喺附近食返個下午茶一個人要揀啲食一個人食都唔會尷尬嘅餐廳啦。原來下午都可以食午餐，午餐選擇都有好多，有一大碗飯、壽司餐或者熟食套餐。最咪就揀咗一個烏冬配搭幾件壽司（三文魚、熟蝦、鰻魚、玉子）嘅套餐。售價＄68仲要包埋胡麻醬沙律以及兩件加州卷胡麻醬沙律啲菜好爽口；加州卷啲蟹子口感爽口而且溫度適中。嗰幾件壽司都唔錯，三文魚非常肥美、熟蝦口感比較實淨，鰻魚沒有骨又甜味適中，玉子質感非常軟熟。烏冬就普通啦！沒有什麼特別，普通一個烏冬和普通湯底，主要可以配搭壽司一齊食豐富得多。另外我叫了加＄10嘅炸餃子，餃子外皮非常香脆，裏面嘅肉都OK。仲可揀一支野飲~見到隔離枱食緊甜蝦放題，我就唔食，不過就試吓單點甜蝦睇吓啲甜蝦質素是否OK再決定下次會唔會嚟食甜蝦放題，估唔到啲質素都幾好，幾新鮮同埋鮮甜爽口，下次真係可以花少少錢食個甜蝦放題，食得十幾20隻都回本了。