GUM "JENG!" X 御前上茶 (已結業)

朋友話見前排呢間餐廳都幾多人食, 去開旺角一於去試一試。 鮪魚蓉茶漬飯 一開始落咗少少茶湯, 撈埋啲脆既飯素, 紫菜同葱粒令到個飯食落去有幾種唔同既口感, 幾特別。呑拿魚蓉尚算新鮮, 味道不過不失。而茶湯既味道都幾清香, 落得愈多茶湯會中和個飯本身既味道, 所以落幾多就可以視乎個人口味, 落得少會較濃味, 落得多就會較清。 整體而言茶漬飯味道算係中規中矩, 唔算有驚喜。份量就算係適中, 因為係湯飯所以好飽肚。本身打算食完飯後加甜品, 但因為太飽惟有放棄。