影片
更多
2017-05-07
135 瀏覽
同朋友行過旺角兆萬見到而家多咗好多間日本放題可以食，就決定難得出得嚟行街一次就食豪啲啦。喺咁多間放題之中有一間零舍吸引我同我朋友眼球嘅就係御八幡嘅磯燒放題啦，因為我哋兩個都未試過食呢一種嘅放題，就走咗上去試下。因為嗰日係平日所以我哋好快就有位lu~ 御八幡喺兆萬3樓好容易搵，間鋪頭都幾大下 啲位都好闊落，好舒服，最怕係啲逼逼夾夾嘅地方食放題 傾計都畀隔離枱聽鬼曬啦。由於係食磯燒放題嘅關係，所以我哋被安排坐嘅枱上面已經有個燒烤爐，侍應姐姐好熱情地幫我哋燒咗好多大大份又賣相好吸引嘅海鮮，有青口, 燒蠔, 燒大蝦, 燒扇貝, 燒蟶子等等。原來喺燒嘅過程當中會加入清酒用黎調味令海鮮嘅鮮味更加突出，又可以為食物補充水分唔會燒乾曬啲食物，真係長知識了。侍應姐姐好耐心地為我哋講解所有唔同貝殼類海鮮嘅學名同埋食磯燒時要注意嘅事項，我哋都燒咗好多round 啲海鮮真係好惹味呀！啲海鮮非常爽口彈牙，好新鮮，最正係燒完之後都冇乾的感覺 啲汁完全鎖住哂。我哋另外加咗錢要咗個升級放題，除咗可以享用更大嘅刺身之外，仲有好多令我意想唔到嘅食物添! 除咗有珍寶帶子，珍寶赤蝦之外，竟然係有任食生蠔啊！我同我朋友見到真係
喺咁多間放題之中有一間零舍吸引我同我朋友眼球嘅就係御八幡嘅磯燒放題啦，因為我哋兩個都未試過食呢一種嘅放題，就走咗上去試下。因為嗰日係平日所以我哋好快就有位lu~
御八幡喺兆萬3樓好容易搵，間鋪頭都幾大下 啲位都好闊落，好舒服，最怕係啲逼逼夾夾嘅地方食放題 傾計都畀隔離枱聽鬼曬啦。
由於係食磯燒放題嘅關係，所以我哋被安排坐嘅枱上面已經有個燒烤爐，侍應姐姐好熱情地幫我哋燒咗好多大大份又賣相好吸引嘅海鮮，有青口, 燒蠔, 燒大蝦, 燒扇貝, 燒蟶子等等。
原來喺燒嘅過程當中會加入清酒用黎調味令海鮮嘅鮮味更加突出，又可以為食物補充水分唔會燒乾曬啲食物，真係長知識了。侍應姐姐好耐心地為我哋講解所有唔同貝殼類海鮮嘅學名同埋食磯燒時要注意嘅事項，我哋都燒咗好多round 啲海鮮真係好惹味呀！啲海鮮非常爽口彈牙，好新鮮，最正係燒完之後都冇乾的感覺 啲汁完全鎖住哂。
我哋另外加咗錢要咗個升級放題，除咗可以享用更大嘅刺身之外，仲有好多令我意想唔到嘅食物添! 除咗有珍寶帶子，珍寶赤蝦之外，竟然係有任食生蠔啊！我同我朋友見到真係心心眼！試問有幾多間放題可以提供任食生蠔同埋大大粒海膽呢? 睇得出呢間放題真係落足本㗎，珍寶帶子真係好大粒呀，好鮮甜！
一大粒滑落口個感覺真係好正！隻甜蝦有成隻手咁長，唔係講笑。刺身係好厚切的好肥美 全部都食得出好新鮮！至於生蠔就成隻手掌咁大充滿濃濃嘅海水味，好新鮮！
怕腥嘅朋友可以用旁邊嘅檸檬黎調味，一樣咁清新爽甜！
一般放題的卷物都係不外乎嗰幾樣，但呢度嘅卷物就令我有意外嘅驚喜喎！佢嘅白之花同海膽壽司，都有好大粒海膽喺上面呀，唔似得其他放題得細細粒咋，海膽粉絲表示極度興奮！
重點係啲海膽係鮮橙色㗎 食落去個口度仲有回甘嘅香味，質感好厚實一啲都唔鬆散，一啖一啖食落口真係極致嘅享受呀！我地不知encore左幾多次呢！
另外值得一提嘅係，佢有一個黑松露嘅壽司，上面啲黑松露真係好重味 我成世人未試過咁重味的！黑松露比我感覺通常都係冇味嘅！但呢度食嗰種味道我而家仲記得，唔係講笑大家去到一定要試下呢一個呀，好特別㗎！
食到肚仔飽飽就係時候食甜品囉！女人食甜品真係有第二個胃㗎！我同朋友分別叫咗個櫻花布甸同埋楊枝甘露。
櫻花布甸上枱嗰時真係wow咗一聲，佢好靚真係好似係櫻花咁嘅粉色 女生最愛呀，食落去不太甜，淡淡哋好幫助消化，奶凍非常滑，最搞笑係佢入邊真係有粒櫻花，楊枝甘露酸酸地都好解渴唔錯唔錯。
最後又食到飽一飽先返屋企，下次一定推介朋友嚟呢間食放題，因為真係好抵食，仲要係佢有好多出面都食唔到嘅食物，正啊！
張貼
