影片
更多
2020-05-01
204 瀏覽
今日同女友去左觀塘行街，於是上網搵下有乜餐廳啱同佢食，見到有間叫「登堂」嘅餐廳排名好高喎，環境又好似唔錯，就去試下。由於星期六晚上七點係高峰時間，我哋無訂到枱，又唔想等位，所以吧枱都照殺啦！不過佢呢到嘅吧枱真係唔太好坐，飲杯野就OK，但食晚飯就有點辛苦，因為張櫈太高，椅背又得果啲啲。我地叫咗避風塘炸軟殼蟹，呢個小食非常唔錯喎，有驚喜，份量好多，蟹又好大隻，一人一隻，點埋沙律醬同避風塘粒食好正。可惜食物味道一樣不如一樣，我地叫咗半份BBQ豬肋骨配薯條，呢個味道只屬正正常常啦。啲肉同啲骨好痴身，而且好似斜切得好奇怪，令到我地切得好麻煩。配菜嘅酸椰菜好苦...。薯條就幾好。最後，大佬出場了，依個我要專登搵返個菜名出黎，因為唔想大家中伏。佢係我有身以來食過最難食的意大利飯。由於係我發辦，我女友嬲咗我，話我Bad Taste，千揀萬揀揀碟咁難食嘅...。依碟就係乾蕃茄香辣上湯龍躉意大利飯($198)，味道酸酸苦苦，仲好鬼辣，而且一啲鹹味都無，奇怪到爆，唔通聲稱唔落味精就等如無鹹味嗎？而且飯入面落咗成條份量咁多嘅玉子豆腐同絲瓜去煮，完全唔夾呢。加上佢嘅意大利飯好難食，好硬，完全似生米未煮熟，我知正
我地叫咗避風塘炸軟殼蟹，呢個小食非常唔錯喎，有驚喜，份量好多，蟹又好大隻，一人一隻，點埋沙律醬同避風塘粒食好正。
可惜食物味道一樣不如一樣，我地叫咗半份BBQ豬肋骨配薯條，呢個味道只屬正正常常啦。啲肉同啲骨好痴身，而且好似斜切得好奇怪，令到我地切得好麻煩。配菜嘅酸椰菜好苦...。薯條就幾好。
最後，大佬出場了，依個我要專登搵返個菜名出黎，因為唔想大家中伏。佢係我有身以來食過最難食的意大利飯。由於係我發辦，我女友嬲咗我，話我Bad Taste，千揀萬揀揀碟咁難食嘅...。依碟就係乾蕃茄香辣上湯龍躉意大利飯($198)，味道酸酸苦苦，仲好鬼辣，而且一啲鹹味都無，奇怪到爆，唔通聲稱唔落味精就等如無鹹味嗎？而且飯入面落咗成條份量咁多嘅玉子豆腐同絲瓜去煮，完全唔夾呢。加上佢嘅意大利飯好難食，好硬，完全似生米未煮熟，我知正宗嘅意大利飯粒同一般白飯唔同，但佢呢個絕對唔係正宗果種。而魚肉亦唔見得好食，仲要有骨。我女友食咗一啖就嬲左，而唔想浪費食物嘅我都不得不放棄，只能夠食咗一半。店員有問我地係咪唔岩食，我唔識講，只係話太重口味。唉，食餐飯都激嬲女友，又難食，又食唔飽(因為個飯)，所以不得不負皮了😭。
張貼
