東京チカラめし (已結業)

日本東京過江龍，東京チカラめしTokyo Chikara Meshi人氣一向高企，終於進駐香港啦，我今次就專登去旺角店試下。Order左重量級牛肉飯、燒豚肉定食、溫泉玉子同埋日式餃子。重量級牛肉飯超多牛肉，而且係用特製醬料醃牛肉所以特別有和風同入味，牛肉係放上鐵板度燒，之後放入特製料理盒1分鐘，既保持温度又鎖住肉汁，零舍好味。燒豚肉定食有味噌湯配，鹹度適中，好岩我胃口，豚肉燒得惹味兼好腍又多汁。溫泉玉子係去日式餐廳必食，將d蛋醬撈埋落飯食又有吾同感覺。日式餃子好抵食，正一皮薄餡靚，皮脆又肉嫩。