影片
更多
2017-09-02
318 瀏覽
朋友就黎生日，同佢食餐好D! 佢點名食放題，鑑於之前亂新野（其他放題餐廳)質素參差，好多放題我都覺得唔夠好食，我都決定今次唔再試新野，食返原本覺得好食既放題！訂左檯準時入座，食足2粒鐘，一坐低點左飲品先！跟住以刺身作為開始！刺身款式都係平時食到果D，松葉蟹腳、希靈魚、池魚、赤蝦、馬刀貝就唔係間間都有，不過想啖啖肉就無點蟹腳，想讚既係三文魚、池魚、油甘魚同帶子都好新鮮！肉質爽彈唔腥！讚！反而以為赤蝦係大大隻既添，覺得甜蝦好食D! 刺身都食完，等下一輪食物，飲品都未黎到，一問之下飲品已經整緊，我地似梅酒，味道清甜，非常容易入口！最終飲左2 rounds燒物方面，鹽燒牛舌燒得好靚呀！唔會過老！仲有叫左燒海蝦、菠蘿、脆玉瓜、紫蕃薯仔，全部都燒得好好，好鐘意食燒菠蘿，燒完好甜兼爆汁！另外我試左炸貓山王！唔鐘意食既朋友要注意哈哈！係超級濃味，鐘意食榴槤就千祈唔好錯過，係流心架！榴槤仲好香添！天婦羅我朋友大讚，佢話炸蝦好食，唔會成口粉食唔到蝦，炸南瓜就偏淋，天婦羅味道偏淡～跟住輪到創意壽司！全部都係飯少魚生勁多！啱曬我呢D想食魚生多過飯既人！試左中拖羅、黑松露油甘魚、花之戀、海膽三色花、北海道魚子戀
訂左檯準時入座，食足2粒鐘，一坐低點左飲品先！跟住以刺身作為開始！
刺身款式都係平時食到果D，松葉蟹腳、希靈魚、池魚、赤蝦、馬刀貝就唔係間間都有，不過想啖啖肉就無點蟹腳，想讚既係三文魚、池魚、油甘魚同帶子都好新鮮！肉質爽彈唔腥！讚！反而以為赤蝦係大大隻既添，覺得甜蝦好食D! 刺身都食完，等下一輪食物，飲品都未黎到，一問之下飲品已經整緊，我地似梅酒，味道清甜，非常容易入口！最終飲左2 rounds
燒物方面，鹽燒牛舌燒得好靚呀！唔會過老！仲有叫左燒海蝦、菠蘿、脆玉瓜、紫蕃薯仔，全部都燒得好好，好鐘意食燒菠蘿，燒完好甜兼爆汁！另外我試左炸貓山王！唔鐘意食既朋友要注意哈哈！係超級濃味，鐘意食榴槤就千祈唔好錯過，係流心架！榴槤仲好香添！天婦羅我朋友大讚，佢話炸蝦好食，唔會成口粉食唔到蝦，炸南瓜就偏淋，天婦羅味道偏淡～
跟住輪到創意壽司！全部都係飯少魚生勁多！啱曬我呢D想食魚生多過飯既人！試左中拖羅、黑松露油甘魚、花之戀、海膽三色花、北海道魚子戀人，拖羅雖然唔係超級肥美不過肉質都好滑又無筋，花之戀口感都好豐富呀！有我鐘意食既三文魚子！好滿足！
火灸壽司叫左蒲燒鰻魚、海鹽左口魚邊、牛油燒帆立貝、黑椒香蒜牛小排，左口魚邊燒到D油出曬黎，油香十足好滑漏；鰻魚就過得去～牛小排朋友都話唔錯可以一試！
最後我地捧住個肚叫埋最後一樣：甜品！難得有Milk Top同埋Haagen Hazs喎，唔係唔食呀？今日Haagen Hazs無得食，得返Milk Top，所以我地試左紫蕃薯味同埋東京夜櫻，即係櫻花味+朱古力味軟雪糕！估唔到櫻花味幾好食！朱古力味又夠濃，仲粟米片脆脆係入面，好好食呀！可惜雪糕黎到已經溶溶地！而紫蕃薯味道一般，紫薯味偏淡，奶味就幾濃！食到足2個鐘飽到叫救命先走😂
好彩我揀返食過既放題，估唔到仲keep到以前既水準，比以前既menu多左選擇，有進步！
張貼
