🔸松露懶人雞
超級愛! 將成隻雞煎皮拆骨，每條雞絲都沾滿松露醬，加入青瓜、白蘿蔔絲平衡油膩感，想邪惡啲，仿效片皮鴨食法，用片薄雞皮包著雞肉內饀食，肥多1KG我都願意。
🔸牛油果蝦春卷 $48
即叫即炸! 外皮薄脆，牛油果蓉細滑，鮮蝦彈牙。
🔸口水彈蛋 $48
冷凍後的鵪鶉蛋金黃透明，食落Q彈，蛋黃呈少許流心，拌以口水雞醬汁，麻辣開胃。
🔸蒜蓉香辣鳳爪 $68
已去骨就係食得開心，鳳爪辣得入味，幾開胃。
🔸爆汁乳鴿 $36
做婜優惠，原價$68，見唔少枱都有點! 乳鴿用手拎著食先有風味，餐廳貼心送上手套，撕開肉汁流出，皮薄肉嫩。
🔸氣鍋雞 $78
用茶壺裝著椰子雞湯，可保温，湯呈奶白色，飲落香甜滋潤。
🔸田園炒花青苗 (XO醬) $78
第一次食花青苗，口感似瓜類蔬菜，爽口的。加入肉碎、香菇爆炒，有鑊氣香。
🔸避風塘軟殼蟹 $108
軟殼蟹厚肉帶膏，應該都有2-3隻軟殼蟹(全隻)，鋪滿香辣炸蒜，幾惹味。
🔸烈焰波蘿炒飯 $128
原個菠蘿上枱已經夠吸睛，店員仲會點火，燃燒中既波蘿都係Gimmick，最重要係炒飯! 但亦冇令我失望，加左瑤柱蛋白、菜粒同鮮菠蘿，食落唔油膩，幾岩夏天食。
🔸貓山王榴槤 $42
賣相可愛，質地比布甸堅挺少許，榴槤味亦有，都係相機食先。
🔸椰香拉絲 $28
即兒時回憶既炸蛋散，雲吞皮扭成蝴蝶結形狀再炸，表面沈上椰絲同糖漿，係回憶的味道。
🔸桂花烏龍、菊花普洱 ($28)
飲落冰涼清香，岩晒夏天飲。
