御點皇點心專門店 (已結業)

這是一間跟潮流應運而生的點心專門店, 情人節晚上20:50 客人很少,由於係香港人的晚飯時間來飲茶的客人不多是正常的, 反而見她十一,二點宵夜時段就座出門口, 皆因的士大佬/小巴司機/小巴乘客在那些時間食宵夜, 也因為咁呢度係營業至凌晨三點, 由於係低收入區,茶位收三蚊, 點心價位一般都在$10~$26算係扺食咁啦, 高價點心不多, 這裡亦有做”原隻飽魚酥”不過今晚唔會叫, 因為上次在太子某點心專門店叫過知道是什麼回事了, 是次叫的點心大部份有饀料的都餡料豐滿, 比較出色的有以下幾款:豬膶腸粉-雖然唔太健康,但佢嘅做法係將豬膶切成小丁方,均勻地灑滿粉皮內,剛剛拿出來時還飄散陣陣酒香, 腸粉皮亦是晶瑩通透帶點靭度, 高水準之作炸春卷- 本來幅相同下個名都係寫住:千島醬春卷的,而太座其實想叫她走”千島醬”的, 點知問她們時,她們答:已經無沙律醬的了, 春卷係新鮮炸出來皮當然係脆卜卜, 但個餡至奇居然係蘿蔔絲, 蘿蔔絲刨到好幼細除了它還有好少量嘅九黃,而家係冬天蘿蔔一般都甜, 但夏天呢?夏天用乜?蓮藕/荳角?馬拉糕- 好鬆軟亦好有黃糖香味但太簿食唔到海綿蛋糕的厚度牛肉球- 佢係現今唯一一間見