愛甜心甜品 (已結業)

喺尖沙咀食完飯，行過去果欄途中想食糖水，于是乎入咗「愛甜心」紅豆沙芋圓店主用料好手緊，紅豆沙稀到水咁，應該叫紅豆湯或者紅豆水啦，都食唔到「沙」！不過味道調得幾好，唔會太甜封喉。芋圓size唔大唔小，正正常常，不過口感較差，無煙韌咬感，而且食落粉口多過糯口。只可以講，唔好帶有期望就唔會有失望🤦🏻‍♂🤦🏻‍♂。蓮子百合馬蹄露清心丸呢碗食完覺得喺假嘅馬蹄露，超失望🤦🏻‍♂🤦🏻‍♂🤦🏻‍♂。口感方面完全食唔到有爽口、脆口嘅馬蹄露，反而食到好多粉口嘅料。睇落同食落好似有好多料，但其實似喺食緊腐竹碎，仲以為自己食緊雞蛋腐竹糖水。味道方面太淡，又無馬蹄清甜味。