榮哥煮場 (已結業)

初嘗得獎食店！估唔到喺旺角路邊可以食到咁好食嘅食店！真係要表表揚佢😍濃湯花膠雞煲🐔雞湯味非常濃郁，食落好有雞味普通冰鮮雞一定煮唔到呢個味！用明火滾住嘅雞煲！熱辣辣咁飲特別鮮甜！依家去食落都仲好有雞味！最重要係唔落味精！原汁原味！花膠份量都好多！食極都食唔完咁！夠晒真材實料！酸甜藍莓蝦球🦐蝦球大大嚿！啖啖肉！配埋藍莓汁酸酸甜甜好開胃！唔係講笑，仲好食過尋晚去酒店飲宴個炸蝦球！仲要份量多！抵食！楊枝甘露🥭有新鮮芒果肉，夠曬凍！冇咗柚子嘅苦澀味！有西米露同埋爆珠，咬落去好有口感！老細非常好客！熱情招待！2人餐有明火花膠雞煲，有埋白飯同甜品！抵食旺角又一好食中菜，食飽飽😋😋大滿足！