影片
更多
2022-11-24
44 瀏覽
落住雨開始少少凍嘅時候，就想食返碗熱辣辣嘅拉麵，打開app見到附近有一間拉麵就去試吓。去到門口見到有好多達摩貼紙同日式屋頂裝修。一坐低已經見到有搓手液同埋唔同餐具。店員隨即放低中華沙律同水，中華沙律撈咗少少辣椒，但係唔會好辣，所以更加開胃。廚房上面會見到除咗Menu上嘅菜式之外，都會有特別嘅小食。見到佢除咗本身有嘅拉麵之外，仲有限定拉麵有藍色清雞湯拉麵同埋素食拉麵，聽到隔籬枱問仲有冇芫荽拉麵，不過店員話已經係上期嘅限定拉麵所以我估佢哋都應該真係會定期轉下期間限定。我就叫咗個藍色清雞湯拉麵，而朋友就嗌咗黑蒜油豚骨拉麵，小食方面就嗌咗一個魔鬼燒魚翅乾同一個鹽燒雞腎。朋友嘅豚骨拉麵好快已經上菜，塊紫菜10分大塊，而且脆卜卜。佢覺得豬骨湯嘅味道都好濃郁，叉燒因為有炙燒過，所以唔會有過膩嘅感覺，有入口即溶感覺。見到舖頭寫可以比圍裙，咁就唔怕食到雪雪聲嘅時候，會彈到自己件衫啦！然後到我碗藍色拉麵，一上枱嘅時候都比藍色嘅拉麵驚艷到，店員話可以首先試咗個湯先，店員話係落咗蝶豆花落去，我覺得係清甜嘅，而且唔會越飲越口渴，有相比起濃郁嘅豬骨湯，我更加鍾意依個，而且因為個湯夠清，同濃郁嘅叉燒有更大對比。店員
見到佢除咗本身有嘅拉麵之外，仲有限定拉麵有藍色清雞湯拉麵同埋素食拉麵，聽到隔籬枱問仲有冇芫荽拉麵，不過店員話已經係上期嘅限定拉麵所以我估佢哋都應該真係會定期轉下期間限定。我就叫咗個藍色清雞湯拉麵，而朋友就嗌咗黑蒜油豚骨拉麵，小食方面就嗌咗一個魔鬼燒魚翅乾同一個鹽燒雞腎。
朋友嘅豚骨拉麵好快已經上菜，塊紫菜10分大塊，而且脆卜卜。佢覺得豬骨湯嘅味道都好濃郁，叉燒因為有炙燒過，所以唔會有過膩嘅感覺，有入口即溶感覺。見到舖頭寫可以比圍裙，咁就唔怕食到雪雪聲嘅時候，會彈到自己件衫啦！然後到我碗藍色拉麵，一上枱嘅時候都比藍色嘅拉麵驚艷到，店員話可以首先試咗個湯先，店員話係落咗蝶豆花落去，我覺得係清甜嘅，而且唔會越飲越口渴，有相比起濃郁嘅豬骨湯，我更加鍾意依個，而且因為個湯夠清，同濃郁嘅叉燒有更大對比。店員話飲完頭幾啖湯之後可以用吉喺蛋上面嘅檸汁，然後就會顏色有變化，見到佢由藍色變做紫色，真係視覺同味覺上都有享受。落咗之後唔會令到個湯變得好酸，反而係有一種清新嘅感覺。
見到麵條同雞蛋到染咗做藍色，但係都無改佢哋嘅味道。麵條都係爽口彈牙，而且份量足夠，唔會食幾啖就食晒。溫泉蛋就令到我同我朋友好驚喜，因為佢真係做到流心嘅效果。
小食方面，雞腎非常有咬口，而且比嘅檸檬好大嚿可以每一粒都有檸檬味。反而燒魔鬼魚魚翅乾嗰度係最有驚喜，烤得比較焦黑嘅地方非常脆口，點埋沙律醬就非常滋味，而冇烤焦嘅部份就煙靭，做送酒小食真係一流，鹹香味齒頰留香。下次嚟嘅時候可以再試吓佢其他限定拉麵。
張貼
