築地番本日式放題

今日同朋友黎到衣間日本放題，book完先醒起原來係較早前響網上介紹有象拔蚌刺身任食果間

book左7:30，因朋友未到，店員話只會留枱10分鐘，而放題入座起計2小時。

其實黎到已經見不少人等緊位，入到去亦唔少人，見到枱枱一個個蒸氣鍋有大有小好得意，又可以食日式食物又可以一嘗食蒸海鮮初時以為要加錢先食得原來都唔洗，只係選擇磯燒先要加錢！

坐低後店員已經好詳細講解落單注意事項，如落單有選蒸氣鍋食物就會黎個鍋比我地蒸。後尾先知原來蒸氣鍋裡的唔係水，係豬骨湯，因為中途店員自動幫我加湯先知，仲話蒸海鮮時d精華流響湯度，有需要可以叫店員拎碗飯煲粥不過我地冇特別咁做，蒸海鮮都好夠喇，有蜆有蝦有扇貝味道都好正不過提一提唔可以心急塞咁多入去蒸，唔係就唔容易熟同up唔埋蓋

蒸氣鍋

主打一定會叫刺身啦，由其要試一試象拔蚌刺身，當然同外面貴價冇得比，但咁既價錢都算係咁啦另外三文魚、帶子、甜蝦都好鬼正！

刺身

款式其實都多，食物黎到都熱的，小小份量唔怕徙！

翠肉瓜

又有飽食的叉燒拉麵、肥牛烏冬等....我就試左叉燒拉麵，估唔到放題既拉麵質素都唔差，我個人幾中意小小份量

叉燒拉麵

燒蠔其實都幾好，不過芝士煙肉較多，蠔已經小到唔知在哪

芝士煙肉燒蠔

酒精飲品都係包埋的，清酒日本啤酒都有，其實幾抵。
唔飲酒類飲品的話，外面有普通飲品有凍有常溫，特登分開2個櫃，幾貼心飲品大致有果汁先生橙汁、檸檬茶、蜜瓜豆奶、竹蔗茅根、其他日本飲品等.....檸檬茶同蜜瓜豆奶仲係懷舊版包裝。

飲品櫃

想食甜品隔離仲有個甜品櫃

甜品櫃

2小時一定足夠飽肚，但如聚舊掛住傾計就未必夠時間啦埋單都係$208加一/1位，按時間同星期幾入座有不同。