初芋 (已結業)

嗰日喺旺角有少少時間，諗住睇吓有咩小店可以坐下食下野傾吓偈，之後經過呢間舖頭，發覺佢有六色芋圓，感覺好似幾得意，所以就試一試。結果我哋一行兩人，叫咗兩個餐，一個三色芋圓，一個六色芋圓，然後在配搭咗仙草、荔枝、椰果同檸檬茶果凍。整體食落去感覺唔錯，三色芋圓係基本芋圓，食落去都幾彈牙。至於最期待嘅六色芋圓，每一隻顏色都有唔同味道，例如奶黃，其實食落去幾特別，不過感覺上同基本對比，就冇咁彈牙，可能因為當中有餡料影響咗，不過整體來講，絕對值得一試。