八哥主題餐廳 (已結業)

尋日喺尖沙咀做完嘢約咗個朋友食飯之前聽講係加連威老道開左一間用八哥做主題嘅cafe今晚終於可以試下啦 好近the one果邊好方便唔會話好難搵 係龍城對面就有上到二樓就有人招呼 好好服務態度鋪入面有好多關於八哥嘅野牆又有 碟上面又有 紙巾又有 好有心思我地因為幾肚餓 就叫左兩個主菜溫泉蛋卡邦尼意粉同埋牛肝菌黑松露意大利飯仲有兩個小食 泡菜牛柳粒同埋BBQ味雞翼意粉賣相十分吸引 粒溫泉蛋仲震騰騰 醬汁都十分濃郁 一下子都清左半碟 而主菜黎講 碟意大利飯十分足料 味道亦都不錯啖啖都有黑松露既味道 仲有好多牛肝菌 十分夠味又足料 我朋友好鐘意食 最後佢包底清哂 哈哈我個人就好鐘意泡菜牛柳粒 牛柳切成小方塊 容易放入口 而且十分鬆軟 配上酸酸的泡菜食 簡直係好食又唔heavy 而雞翼剛剛炸起上碟 熱辣辣 好香再加埋bbq汁 係一流既送酒水食 有六隻 岩岩好一人三隻 好滿足呢間餐廳仲有好可愛既 八哥甜品見到每檯都係叫呢種 用黎影相打卡一流 只係同朋友食得好飽 下次再黎一定會試個甜品呀