嚐仙 (已結業)

上網見到人推薦佢個芋泥牛奶冰，睇相好鬼吸引，同朋友行過無乜人等位就入去試試。上台果陣連埋一小杯煉奶，心諗配料都咁甜，仲係牛奶冰，點解仲要加糖。一敲開就知原因了。佢入面係傳統白冰，完全無味，極粗粒，連喙開都好難果種（說好的牛奶冰呢？）。唔止冰無味，上面果層超級薄同稀既芋泥，旁邊既珍珠同埋紅豆都一樣唔甜。（人生第一次食到咁唔甜既紅豆蓉）食左五分鐘已經覺得佢D煉奶俾得少。喙到底先發現所謂牛奶冰，原來係因為底層有加牛奶。食到最後，仲有D冰山敲唔開又唔識溶。價錢唔貴，但整體黎講，真係完全唔好食。如果只係為左樣靚，要黎打卡用，呢個價抵俾。但真係想食好味既冰，係完全唔使列入考慮。