小王牛肉麵 (已結業)

其實呢間餐廳之前我都試過2次，以往質素都叫ok同就腳，同價錢ok，所以今日食lunch 見落雨，廢時行就又去食佢。坐低見到下午茶有半筋半肉麵，以前起其他分店食過都ok，就嗌咗佢。等咗15分鐘，麵黎到，一望: 全部都係筋。起碗麵道尋咗一陣寶，終於揾到一啖肉。我之後叫同侍應講: 唔該，我嗌咗半筋半肉麵，但呢碗得一舊肉。佢表示: 下午茶係得一舊肉。我: 即係畢嬲都係得一舊肉？佢: 係。再爭辯落去都無意思，我食咗半碗，埋單前就去同經理講。佢先同我解釋下午茶份量會細d，再同我講下午茶分量係兩條筋一條腩。我比我碗麵既相佢睇，入面係5條筋一啖肉。佢見到張相，亦表示係廚房個方面出錯，下次會做好啲，仲叫我下次嗌餐可以揾經理。我表示我理解下午茶份量係會細啲，我亦有同侍應提出碗麵根本無肉既問題，但侍應竟然同客人講不嬲一碗名叫”半筋半肉麵” 既麵係會只得一舊肉 ( 但筋就5條 ) , 完全無諗住解決客人既問題，敷衍了事。再者，下下落餐都要揾經理，咁餐廳請侍應黎做咩呢？以後唔會再幫襯呢間餐廳。