Dapoer Kita (已結業)

希雲街嗰頭咪有好多裝修得好別緻嘅特色餐廳嘅，初頭諗住係喺嗰頭搵食一係就貴一係就排晒隊，原來再行入少少過去後面街又另一個境界喎，普遍都係$6-70，最後見到間印尼菜又幾別緻，又覺得平時除左營多之外都冇乜食印尼嘢，就入去試下啦，又幾ok喎！雖然唔識分啲菜式係咪真係地道，但見到舖頭員工同食客都係印尼人，應該都係啦叫呢個印尼炒麵，係本住試下佢係咪真係營多撈咁嘅咩，點知試到三絲炒麵嘅味道...個海鮮喇沙就真係不得了，夠晒足料之外，仲好入咩，初初以為淨係得個湯，原來底下仲有麵，所以快快手cancel左個羊肉串跟餐嘅白飯。沙嗲羊肉串係好味嘅，但係跟唔跟飯都係得咁多串同都係收咁多錢，所以雖然食唔晒唔想浪費走飯，但淨串燒$70就感覺略嫌唔抵。