華順越南餐廳 (已結業)

呢日我地早放學，可以去ｄ遠ｄ的地方食野。本來係諗住去食餃子既，但行行下見到有個易拉架話有間越南野係後巷，咁又走去試下。呢間野個位置都幾僻下，但裝修就好新，有露天茶座，仲有包房俾人開ｐ，氣氛唔錯。我地叫左一個漁村湯檬同一個香茅豬扒撈檬。個漁村湯檬好特別，初頭見佢只不過係茄汁肉碎檬以為係行貨，但食落鹹鹹地有陣魚露味，呢種係我未食過的味道呀！至於個豬扒撈檬都好味，豬扒就一般，但有好多配菜，我不嬲都好鍾意食個ｄ酸汁既。服務方面都唔錯，個姐姐好有耐性咁介紹ｄ野我地食。初頭我以為呢度咁隔攝冇人，原來都有唔少食評。我希望佢做得住啦。