華記士多 (已結業)

之前我老公帶過我黎呢間小店食流心蛋包飯，一試難忘。點解叫做流心蛋包飯？因為佢既飯上台時，d蛋仍然係流心滑蛋既狀態，絕對唔係小時候食既傳統蛋皮包飯。流心蛋加上日式咖哩汁，襯埋炒過既醬油飯，絕配！再加上超親民抗通脹既價錢-$35包飲品（但飲品不要期望太高），簡直平到無朋友！如果以呢個食物質素係其他地方賣，至少賣$50-80。當然，店鋪環境及裝修方面甚有80年代feel，路過都未必留意到，而且店鋪只有2個位，多數要係後巷食。不過，若然可以以咁平價錢食到高質素既流心蛋包飯，係後巷食又如何。而且，若然裝修靚但收好貴價錢，我寧願比$35留係後巷食。