本格 (已結業)

今日收工又落雨，同朋友諗住喺附近食啲嘢，避雨避到去後巷發現呢間裝修好有格調嘅高質串燒，於是入去食啲串燒避下雨。我哋嗌左一串燒雞髀肉，另一串係紫蘇葉雞俾肉，同埋一隻燒雞翼。佢個雞俾肉上面塊雞皮燒得好脆好香，而另外一串嘅紫蘇葉亦都有佢獨特嘅香味。以朋友亦都好欣賞佢哋燒嘅雞皮，所以我哋額外又嗌左一串燒雞皮，燒雞軟骨同埋燒豆腐。個雞軟骨都唔錯，卜卜脆咁，配埋佢呢度啲sake，應該都幾唔錯。而佢串燒豆腐亦都好正，因為入面豆腐好滑出邊又香脆，絕對唔會燒到乾晒。肥牛金菇卷就食得多，但呢度嘅係卷左雞髀菇同埋萵筍。雞髀菇一食落去超級Juicy，好夾味。而萵筍卷亦都好爽脆，原來咁樣嘅配搭都幾正。而佢個燒翠玉瓜亦都燒到啱啱好，食落仲保持翠玉瓜嘅多汁。之後仲有一串燒冬菇，佢個冬菇好香牛油味，唔會燒到太乾而變成有苦味。另外仲有呢個甜嘅日式年糕Q彈又軟腍嘅口感，幾好味。最後食埋呢個芝士年糕，上面灑滿紫菜絲，唔知點解覺得佢個賣相簡單得來又好吸引。咬開之後見到滿滿嘅流心芝士，啱晒啲芝士控。