新泰東南亞餐廳 (已結業)

出開黎港島區，又要揾食，記得上次食過呢間泰國菜幾好味，今日又黎先。兩點幾黎到，唔多人，好快就有枱，坐喺窗邊一張卡坐，光猛又濶落。精美吊燈環境寛躺餐具，今次有筷子。叫左串燒，$68 六串，要左一半牛一半豬。牛肉燒得唔錯，撈沙嗲汁一流。豬肉則較乾身，有點硬。香芒軟殼蟹米紙卷 $75賣相靚，芒果青瓜清新，軟殼蟹香脆，好好味。泰式乾炒河 $75要左豬肉，份量大，好多肉同菜，河粉相對較少。味唔錯，炒得乾身唔油。環境靜局，可慢慢食同傾傾計。