影片
更多
2017-12-11
120 瀏覽
很少到長沙餐一帶搵食，但跟googlemap開車來也不難找，附近還有$14/小時的停車場，很方便。我們來之前一小時才打電話訂位，兩個大人一個B，咦，有位喎，即刻過來，不過當時心諗，咁遲訂位都仲有枱，間餐廳可能唔係好popular。嚟到的確餐廳只坐了兩、三成客，但之後不足半小時已坐近八成full。我們點了兩個set dinner，老公點了招牌乳豬配黃薑飯，我點海鮮燴飯，(由於一邊食，一邊要餵阿B食嘢，冇影相，p.s.餐廳是有ikea high chair 提供的)。以二百蚊度一個set，包starter、湯、main course同desert、餐飲，真係好抵，而且我覺得佢每一個course都好用心做，例如我個頭盤要了帶子紅菜頭香橙櫻桃茄沙律伴柚子汁，三粒帶子size雖然不大，但廚師都很用心把帶子煎香，而配沙律的柚子汁亦很有清新的感覺(唔知個柚子汁係ready made，定係廚師自己調較)。老公個頭盤係parma ham配哈密瓜，我冇試，但賣相不錯。當晚餐湯係薯仔湯，味道都唔錯，個湯都等咗好一陣先上，一問之下原來廚師仲整緊，所以佢唔係整咗一大煲好似例湯嗰種。到main course了，個
我們來之前一小時才打電話訂位，兩個大人一個B，咦，有位喎，即刻過來，不過當時心諗，咁遲訂位都仲有枱，間餐廳可能唔係好popular。嚟到的確餐廳只坐了兩、三成客，但之後不足半小時已坐近八成full。
我們點了兩個set dinner，老公點了招牌乳豬配黃薑飯，我點海鮮燴飯，(由於一邊食，一邊要餵阿B食嘢，冇影相，p.s.餐廳是有ikea high chair 提供的)。
以二百蚊度一個set，包starter、湯、main course同desert、餐飲，真係好抵，而且我覺得佢每一個course都好用心做，例如我個頭盤要了帶子紅菜頭香橙櫻桃茄沙律伴柚子汁，三粒帶子size雖然不大，但廚師都很用心把帶子煎香，而配沙律的柚子汁亦很有清新的感覺(唔知個柚子汁係ready made，定係廚師自己調較)。老公個頭盤係parma ham配哈密瓜，我冇試，但賣相不錯。
當晚餐湯係薯仔湯，味道都唔錯，個湯都等咗好一陣先上，一問之下原來廚師仲整緊，所以佢唔係整咗一大煲好似例湯嗰種。
到main course了，個海鮮燴飯份量大，海鮮份量亦多，飯的軟硬程度恰到好處，但對於食物，我一向都是重質不重量，我覺得個海鮮飯望落啲汁的確好似好濃，但食落就覺得海鮮味唔係好夠，廚師可能要再研究一下。
老公話佢main course既乳豬都不錯，由於我唔食豬所以無試，不過可以見到啲皮係燒得好趣。
食完main course已經好飽，仲有desert，如果我冇聽錯，啲甜品全部都係廚師自己做，甜品選擇好多，我點了 earl grey mousse cake(唔記得正確個名)，老公點了木糠布甸，兩個甜品一啲都唔馬虎，mousse cake係一個個獨立做，唔係做咗一大盤砌一舊仔俾你嗰種，我覺得可以媲美平日賣開五、六十蚊嗰啲甜品，宜家跟set包埋真係好抵。
最後要讚服務員殷勤既態度，很細心，亦很留意食客的需要。
我和老公都話會再嚟！
張貼