小籠包一客有5粒，Size比例大，皮很薄但同時亦易穿，入面的餡料幾新鮮。
1
砂鍋雲吞雞都幾大份，味道一般，雲吞係上海菜肉雲吞，都有5至6粒，半隻雞無切碎嘅，所以食嘅時候會比較難撕開，始終都只係得筷子同湯匙。
松子黃魚好抵食，小店就係平平平，個汁就酸咗少少，魚嘅肉質都唔錯，同埋真係好大條魚。
蒸素餃個餡料又估唔到幾好食，係塊餃皮厚咗少少，食落有健康嘅感覺。
擔擔麵嘅花生醬好香，入面有肉碎花生碎，D麵條味道OK。
炸銀絲卷又點可以唔點煉奶呢，呢個都幾好食。
呢度嘅豆漿味道都幾好，有豆味。
檑沙湯圓即叫即做，真係幾好食，我覺得比高力豆沙同豆沙窩餅好味。
