Monsoon (已結業)

由於呢晚要去西九嘅Jazz Festival, 我哋諗住喺圓方食咗飯先行過去;喺好求其嘅情況下就行咗入去呢間餐廳 (我哋連餐牌都冇睇過就行咗入去🤦🏻‍♀️)。兩個人點了三個菜式👇🏻▫️紅咖喱鮮蝦豬肉燒賣 (HKD128)▫️印尼雞肉炒飯 (HKD98)▫️白胡椒沙嗲豬肉串燒 (HKD118)除咗串燒係可以接受外，其他嗰兩樣真係唔多掂。前菜 (即係個燒賣)價錢貴，紅咖喱一點辣味都冇。混合了花生碎的紅咖喱味道反而係帶甜嘅。紅咖喱加燒賣呢個配搭對我嚟講真係怪怪地🤷🏻‍♀️ 。個炒飯係炒得幾乾身嘅，不過啲雞肉細粒的嚟又好乾，真係唔好食囉。呢間餐廳未至於要列入劣食系列，但我絕對唔會推介喇。