三川居酒屋 (已結業)

一開頭以為三川居酒屋係登龍街永安中心，原來係崇光百貨旁邊永光商業大廈basement既餐廳，行完街過黎食飯真係好方便。一入到去間餐廳細細，燈光黃色暗暗，真係好有係日本居酒屋既感覺。係餐廳牆上見到有刺身盛推薦，9款果個每人$350，一於食豪啲，叫左個九點刺身盛，服務員都好耐心介紹每款刺身，佢必有既係時令生蠔同牡丹蝦，牡丹蝦好大隻，食得出好新鮮，生蠔加少少檸檬食，冇得頂。其他刺身仲有幾款魚同帶子同象拔蚌，帶子都好大塊，中二食刺身既朋友唔可以錯過。